DIR Return Create A Forum - Home
       ---------------------------------------------------------
       Ndjenja
  HTML https://ndjenja.createaforum.com
       ---------------------------------------------------------
       *****************************************************
   DIR Return to: SHËNDETËSI
       *****************************************************
       #Post#: 83--------------------------------------------------
       Kurat natyrale që mund të praktikoni në shtëpi
   DIR By: Mondi
       Date: February 3, 2012, 6:12 am
       ---------------------------------------------------------
       Për të përforcuar sistemin tuaj imunitar lajini shpesh duart,
       pini shumë ujë dhe merrni vitaminë C ekstra.
       Por ç’është e vërteta ne nuk mund të qëndrojmë larg gripit,
       ftohjes dhe plagëve pavarësisht se mund t’i bëjmë të gjitha
       këto. A mund t’i kurojmë këto sëmundje të thjeshta në shtëpi pa
       shkuar tek mjeku?
       Sipas lajmit të publikuar në adresën “HowStuffWorks” këto kura
       edhe pse nuk zënë vendin e recetës së mjekut, ndonjëherë janë
       kurat më të mira pa ilaçe. Ja kurat e thjeshta dhe natyrale që
       mund të praktikoni në shtëpi:
       
       1. Lumturia është si një batanije e ngrohtë. A ju zihen hundët
       dhe ju dhembin muskujt në dimër? Jepini muskujve tuaj qetësinë e
       shtrirjes në plazhet e nxehta të mbushura me rërë. Këtë mund ta
       bëni vetëm me ndihmën e torbave me ujë të nxehtë. Nxehtësia e
       ardhur nga torba apo shishja me ujë të nxehtë e mbështjellë me
       peshqir ngroh vendin dhe përshpejton qarkullimin e gjakut në
       zonën ku e keni vendosur dhe ju ndihmon të çlodhni muskujt
       brenda 30 minutave. Alternativë tjetër mund të jetë qëndrimi në
       vaskë për 15 minuta, i cili ndihmon në minimizimin e dhimbjeve
       muskulare.
       2. Qetësues dhimbjesh: të gjithë duhet të mbajmë një kallëp
       akulli në frigorifer për rastet e plagosjeve dhe dëmtimeve.
       Vendosja menjëherë e akullit në vendin e dëmtuar pakëson fryrjen
       dhe hemorragjinë duke ngadalësuar sinjalet e dhimbjes në mes
       fundeve nervore dhe trurit si dhe duke pakësuar qarkullimin e
       gjakut. Kompresën e ftohtë mbajeni 20 minuta çdo 2 orë.
       Asnjëherë mos e vendosni akullin direkt në lëkurë, përdorni një
       peshqir të lagur, ndonjë copë dhe pastaj vendoseni. Nëse nuk ju
       gjendet akull atëherë uji i ftohtë është më mirë se asgjë.
       3. Fërkojeni me kripë: kripa ndihmon në heqjen e kruarjes në
       rastet e pickimit të insekteve ose të lehtësojë dhimbjet e
       fytit, zënien e hundëve të shkaktuara nga alergji të ndryshme.
       Në rastin kur pickoheni nga insektet merrni pak kripë me ujë dhe
       vendoseni mbi vendin e pickimit. Duke shtuar pak ujë këtë mund
       ta përdorni si një solucion homogjen edhe për raste tjera.
       Praktika më e mire për qetësimin e dhimbjes së fytit është
       gargara me ujë e kripë. Uji me kripë ndihmon në zhbllokimin e
       hundëve të fëmijëve dhe të rriturve. Ose mund të përdorni
       metodën neti pot. Hidhni gjysmë filxhani ujë në një çajnik
       temperatura e të cilit nuk duhet të kalojë temp e trupit të
       njeriut, hidhini dhe një gjysmë luge kripë dhe përziejeni.
       Pastaj shtrijini këmbët përpara dhe filloni të hidhni ujin në
       hundë nga ana e djathtë. Bëni kujdes të mbani gojën hapur. Në
       këtë mënyrë uji do të kalojë nga ana e djathë e hundës në anën e
       majtë.
       4. Mjalti: një lugë mjaltë do të zbusë kollën. Mjalti ndihmon në
       lehtësimin e kollit të thatë dhe acarimit të fytit. Por mos i
       jepni mjaltë fëmijëve nën moshën 1-vjeçare, mund të shkaktojë
       botulizëm. Krahas kësaj mjalti përdoret dhe si një antibakterial
       natyral në rastet e prerjeve dhe gërvishtjeve.
       5. Xhenxhefil: përveç lehtësimit të dhimbjeve të barkut,
       xhenxhefili ndihmon në shërimin e përzierjeve, të vjellave,
       djegies së stomakut, diarresë dhe gazrave të stomakut. Por
       tregohuni të kujdesshëm të përdorni xhenxhefil të freskët. Për
       të përgatitur çaj xhenxhefili merrni një filxhan me ujë të zier
       dhe shtojini dy lugë xhenxhefil. Lëreni për 5-10 minuta dhe më
       pas kullojeni./Start/Aisa Kokiçi/
       *****************************************************
       Page 1 of 1