DIR Return Create A Forum - Home
       ---------------------------------------------------------
       habari
  HTML https://habari.createaforum.com
       ---------------------------------------------------------
       *****************************************************
   DIR Return to: <span style="color: #123aab; font-weight: bold;">Ma...
       *****************************************************
       #Post#: 1178--------------------------------------------------
       Wema sepetu kumpeleka diamond platinum polisi
   DIR By: udaku
       Date: January 23, 2015, 5:40 am
       ---------------------------------------------------------
  HTML http://mtanzania.co.tz/wp-content/uploads/2015/01/Diamond-na-Wema-nzuri_full1-300x191.jpg
       MKALI wa filamu nchini na Miss Tanzania mwaka 2006, Wema Sepetu
       ‘Wema’, amemfungulia kesi ya madai mpenzi wake wa zamani ambaye
       ni mwanamuziki wa bongo fleva, Nassib Abdul ‘Diamond’, kwa
       kumtapeli kiasi cha Sh milioni 10.
       Kwa mujibu wa mtandao wa Shirika la Utangazaji (BBC) idhaa ya
       Kiswahili, Wema aliripoti madai yake kituo cha Polisi Oysterbay
       akidai kuwa alimpatia mwanamuziki huyo kiasi hicho kwa
       makubaliano ya kazi na kuahidi kumlipa, lakini amekwenda kinyume
       makubaliano yao.
       Muhusika mkuu ambaye ni Wema alitoa maelezo kwamba watu
       wanamtupia lawama kutokana na hatua aliyofikia, lakini amedai
       kuwa amelazimika kufanya hivyo kwa kuwa yeye ndiye aliyeingia
       dhamana na taasisi Focus Vicoba kuchukua fedha hizo.
       “Naona watu wengi wananilaumu kwa kuwa nimemfungulia kesi
       Diamond, pasipo kuelewa kama fedha hizo pia hazikua zangu bali
       ni mkopo ambao niliingia dhamana katika taasisi ya utoaji mikopo
       ya Vicoba.
       “Kupitia mfuko wa Focus Vicoba nilichukua mkopo huo kwa lengo la
       kumpatia Diamond, ili aweze kuandaa miradi yake tena kwa
       makubaliano kuwa atazirudisha ili tuweze kufanya marejesho ya
       mkopo tuliochukua,” alisema Wema.
       Mrembo huyo alieleza muda waliiopeana ahadi ya kurudisha fedha
       hizo umepita na Diamond haoneshi dalili ya kuzirejesha wakati
       wanatakiwa kuzirudisha kwa wakati .
       “Yote haya yasingenikuta, lakini sina jinsi kwani natakiwa
       kurudisha pesa za watu nimekuwa nikimpigia simu Diamond hataki
       kupokea simu zangu, lakini kama alitaka kunidhulumu ni bora
       angejiunga mwenyewe na hawa Vicoba ili apate mkopo na kufanya
       mambo yake au kama aliona hawezi kwa kujishtukia basi angetumia
       ile tovuti yao, angepata kwa urahisi na hakuna mtu yeyote
       angejua kama amekopa ila sio kukimbia kulipa deni la watu,”
       alisema.
       Hata hivyo Diamond ambae kwa sasa yupo nchini Burundi kwa ajili
       ya ziara yake kimuziki, tayari ametumiwa taarifa na jeshi la
       polisi kwa barua ya wito kufika kituoni pindi atakaporejea
       nchini, huku mama yake mzazi akifikishiwa ujumbe huo nyumbani
       kwake.
       Wema ambae alimwekea dhamana, yupo katika kipindi kigumu ambacho
       kinaweza kupelekea kufilisiwa mali zake ambazo aliziandikisha
       wakati wa kuchukua mkopo huo ili ziweze kufidia deni hilo.
       Kwa mujibu wa kiongozi wa taasisi hiyo ambae aligoma kutajwa
       jina lake gazetini, alisema kuwa ni kweli Wema alifika katika
       ofisi zao zilizopo Mnazi Mmoja jijini Dar es Salaam, ili apewe
       muongozo lakini alipotakiwa kufuata taratibu za kiofisi kama
       wanachama wengine wanavyofanya katika vikundi, hakukubaliana na
       utaratibu, hivyo kushauriwa ajiunge kupitia tovuti .
       MTANZANIA ilimtafuta Meneja wa Wema, Martin Kadinda, ambae
       alieleza hajui chochote kuhusu kufungulia kwa kesi hiyo, akaomba
       apewe muda kumtafuta msanii huyo ili aweze kupata ufafanuzi juu
       ya suala hilo, lakini hakueleza nini kilichojiri na kusisitiza
       asubiriwe.
       Gazeti hili halikuishia hapo, lilimsaka Meneja wa Diamond, Babu
       Tale, ambae alionekana kushtushwa na habari hizo na kudai kuwa
       hazina ukweli wowote mtanzania fikra yakinifu. Mwisho wa story.
       Eti nauliza unaweza kumkoesha mpenzi wako pesa? Je atakulipa?
       *****************************************************
       Page 1 of 1