DIR Return Create A Forum - Home
       ---------------------------------------------------------
       habari
  HTML https://habari.createaforum.com
       ---------------------------------------------------------
       *****************************************************
   DIR Return to: Makala Bora
       *****************************************************
       #Post#: 2369--------------------------------------------------
       Hadithi "REMINISCE SEHEMU-01"
   DIR By: snow95
       Date: October 22, 2015, 5:29 pm
       ---------------------------------------------------------
       REMINISCE
       SEHEMU-01
       Wakati vita ya Kagera ikielekea ukingoni mnamo April 1979,
       Antony Kamalamo ndio alikua anazaliwa huku baba yake mzee Madaya
       Kamalamo akiwa bado hajarejea kutoka vitani. Mzee Madaya
       Kamalamo aliondoka mapema nyumbani mnamo mwaka 1978 kuelekea
       kwenye uwanja wa vita mkoani Kagera bila hata kujua mkewe Bi.
       Martha Kamalamo kama tayari alikua na ujauzito.
       Mzee Kamalamo alikuwemo kwenye brigedia ya 201 iliofanya
       mashambuluzi ya kishujaa usiku wa mwezi machi tarehe 11 had 12
       nakufanikiwa kuua zaid ya askari wa Libya 200 waliokua wametumwa
       na Muammar Gaddafi kuja kumsaidia Idd Amin. Yalikua ni mapigano
       makali sana kwani vikosi hivi vya Muammar Gaddafi vilikua na
       zana nzito za kivita kama vifaru aina ya T-54 na T-55, Magari ya
       kivita aina ya BTR-40 APC, BM-21 Grand, Madege ya kivita kama
       MiG-21s na Tu-22 bomber.
       Katika mapigano hayo tulipoteza askari wetu hodari kadhaa
       akiwemo mzee Kamalamo. Mwili wake ulifikishwa kijijini kwakwe
       Nansio katika kitongoji cha Bukongo wilayani Ukerewe kwa maziko
       mnamo tarehe 23 Mach 1979. Ilikua ni majonzi ndani ya familia ya
       mzee Kamalamo kwani familia yake ilikua inamtegemea kwa
       kilakitu.
       Mzee huyu aliacha wajane watatu, Bi.Martha ambae ndio mke wake
       mkubwa, Bi. Nyantengo ambae alikua wa pili kuolewa, Bi.
       Nyamafwimbo ambae alikua wa mwisho kuolewa na mdogo kuliko wote
       na kipenzi cha mzee Kamalamo. Bi. Nyamafwimbo alipendwa sana na
       mzee huyu kuliko wake zake wote.
       Kwa Bi. Martha aliacha watoto wanne (Angelica, Mathew, Chloe na
       Antony), Kwa Bi. Nyantengo aliacha watoto wawili (Anita na
       Abigail) na kwa Bi. Nyamafwimbo hakufanikiwa kupata mtoto kwani
       hakua amekaa nae muda mrefu kabla ya vita ya Kagera kuanza
       ***************************************************************************
       Majina ya watoto wake yote hakupenda yawe ya kilugha cha kwao
       bali alipendelea sana yawe ya kiingereza kwani kulikua na mzungu
       wakati ule alie kua akijiita ‘’STAN’’ ambae alikua akimfundisha
       kiingereza lugha ambayo aliitamani sana walau sikumoja
       kuizingumza kwa ufasaha pasi na kumumunya maneno au kukunja uso.
       Kutokana na Mzee Kamalamo kupenda zaidi kujifunza kiingereza na
       majina ya kiingereza pia, ndipo bwana ‘’STAN’’ alipoamua
       kumuandikia orodha ndefu ya majina ya kike na ya kiume kwenye
       kijitabu chake cha kumbukumbu. Hivyo basi kila mwanae alipokua
       akizaliwa kama ni wa kike basi alienda kukisoma hicho kijitabu
       alichoandikiwa na bwana ‘’STAN’’ kwenye orodha ya majina ya kike
       na kadhalika kama ni wa kiume basi alisoma kwenye orodha ya
       majina ya kiume.
       Bwana ‘’STAN’’ ni mzungu mwingereza kutoka Scotland moja kati ya
       nchi nne zinazounda UK (UNITED KING DOM). Zingine ni Wales,
       Ireland na England. Alizaliwa mnamo mwaka 1959 mjini Falkirk
       Scotland ndani ya familia ya kikikristo dhehebu la Romani
       Katoliki. Baba yake alikua mscotish huku mama yake akiwa na
       Mchanganyiko wa Kiyahudi na Kijerumani. Alipokua na umri wa
       miaka minane alianza tabia ya kutoroka nyumbani kwao na
       kuandaman na wavuvi ambao huvua katika bahari ya kaskazini
       (North sea) lengo ikiwa ni kuona boti zenye mashine
       zinavyokimbia ndani ya maji na umaridadi wa wavuvi katika
       kuogelea. Vitu hivi vilikua burudani tosha kwa ‘’STAN’’ kwani
       alikua akitumia muda mrefu zaidi kukaa maeneo ya baharini kuliko
       nyumbani. Mama yake ‘’STAN’’ Bi. Aviva hakuwahi kongelea vituko
       vya kijana wake huyu kwa mmewe kwani mmewe alikua mkali sana kwa
       watoto wake hasa pale anapo gundua kua vijana wake hawafuati
       amri na sharia zake pindi anapokua kazini. Bi. Aviva alikua
       akiamini katika kuwapa watoto wake uhuru katika kipindi flani
       cha maisha yao ya utotoni kutamrahisishia yeye kugundua mambo
       mengi kuhusu watoto wake pamoja na vipaji vyao. Tabia yake
       ilimsaidia sana ‘’STAN’’ kwani mara baada ya mama yake kugundua
       kua ‘’STAN’’ ni mtu wa matukio na mdadisi wa mambo akaamua
       amchagulie masomo ya Fizikia na Hisabati alipokua High school
       kabla hajaingia chuo kikuu cha Westminster kusomea degree ya
       Architecture and Environmental design.
       ***********************TO BE
       CONTINUED******************************
       #Post#: 2370--------------------------------------------------
       Re: hadithi
   DIR By: snow95
       Date: October 22, 2015, 6:55 pm
       ---------------------------------------------------------
       ipo poa
       *****************************************************
       Page 1 of 1