DIR Return Create A Forum - Home
       ---------------------------------------------------------
       habari
  HTML https://habari.createaforum.com
       ---------------------------------------------------------
       *****************************************************
   DIR Return to: Jukwaa la wanafunzi Tanzania (JUWATA)
       *****************************************************
       #Post#: 1658--------------------------------------------------
       Zaidi ya Wanafunzi 150 Wasiojua Kusoma, Kuandika na Kuhesabu Dom
       kufanya Mtihani
   DIR By: Nadia
       Date: April 27, 2015, 7:34 am
       ---------------------------------------------------------
       hi habari kwakweli haipo poa kabisa kwa upande wangu
       unashindwaje kujua kusoma na kuandika miaka yote ukiwa shuleni?
       wanafunzi nasi!
       "SERA ya Elimu inayokataza Walimu kutowafukuza wala kuwarudisha
       darasani wanafunzi ambao hawajui Kusoma, Kuandika na Kuhesabu
       (KKK), imeibua mapya mkoani Dodoma baada ya Wanafunzi zaidi ya
       150 wanaosoma darasa la Saba ambao hawajui kusoma wala kuandika,
       wakitarajiwa kufanya mtihani wa kuhitimu elimu ya msingi mwaka
       huu.
       Uchunguzi uliofanywa na FikraPevu, umebaini kuwepo kwa idadi
       kubwa ya wanafunzi ambao hawajui kusoma na kuandika ambao bado
       wanaendelea kuhudhuria masomo darasani katika Halmashauri
       mbalimbali za mkoa huo.
       Takwimu za Idara ya elimu Msingi mkoani humo zinaonyesha kuwa
       mwaka 2013, wanafunzi 1165 walifanya mtihani wa darasa la Saba
       wakiwa hawajui usoma, kuandika na kuhesabu.
       Aidha, Mwaka 2014, wanafunzi wapatao 312, pia waliingizwa katika
       vyumba vya mitihani na kufanya mitihani hiyo licha ya Walimu wao
       kufahamu moja kwa moja kuwa wanafunzi hao hawana uwezo wa katika
       kusoma, kuandika na kuhesabu.
       Akizungumza na FikraPevu Ofisini kwake Aprili 27, 2015, Ofisa
       Elimu wa mkoa huo, Juma Kaponda, amekiri kuwepo kwa wanafunzi
       ambao hawajui kusoma wala kuandika ambao wanatarajia kufanya
       mtihani wa darasa la Saba ambao unatarajiwa kufanyika mwezi
       Septemba mwaka huu.
       “Sera haituruhusu kuwafukuza wala kuwarudisha madarasa, bali
       utaratibu ni kwamba mzazi akihitaji iwe hivyo inafanyika lakini
       wazazi wengi hawafuatilii maendeleo ya watoto wao shuleni ingawa
       pia kuna uzembe wa watumishi kutotimiza wajibu wetu” alisema na
       kuongeza.
       Mbali na hilo, alipoulizwa kama anayo idadi kamili ya wanafunzi
       ambao hawajui kusoma na kuandika na wale wanaotarajia kufanya
       mtihani wa kuhitimu elimu ya msingi mwaka huu, alikiri kuwepo
       idadi ya wanafunzi 163 ambao watafanya mtihani bila kujua kusoma
       na kuandika.
       “Kitaaluma hatupo vizuri sana lakini nawashukuru sana Walimu,
       pamoja na changamoto zinazotukabili ikiwemo ya upungufu wa
       nyumba za walimu na mlundikano wa wanafunzi, bado walimu
       wanajituma ambapo kwa shule za Msingi mwaka 2012, ufaulu ulikuwa
       asilimia 70, lakini kufikia sasa tuna ufaulu wa asilimia 90 na
       Sekondari kutoka asilimia 37 na sasa tuna 64 na tunatarajia kuwa
       na wastani wa asilimia 76” alikaririwa na FikraPevu.
       Licha ya changamoto mbalimbali za kielimu zinazoukabili mkoa
       huo, ikiwemo ya upungufu wa vyumba vya madarasa, uchunguzi
       umebaini kuwa shule ya Msingi Chang’ombe B, iliyopo katikati ya
       Manispaa ya Dodoma yenye wanafunzi 671, ina vyumba vya madarasa
       vitatu pekee.
       chanzo fikrapevu blog
       *****************************************************
       Page 1 of 1