DIR Return Create A Forum - Home
       ---------------------------------------------------------
       Fizioterapia Shqiptar
  HTML https://fizoterapiashqip.createaforum.com
       ---------------------------------------------------------
       *****************************************************
   DIR Return to: Fizioterapia Sportive
       *****************************************************
       #Post#: 4--------------------------------------------------
       Lëndimet nga aktivitetet sportive ;)
   DIR By: fizioterapiashqip
       Date: May 30, 2017, 5:40 pm
       ---------------------------------------------------------
       Krahas të gjitha përparësive të cilat i ofron trajnimi,
       nganjëherë paraqitet edhe efekti negativ: lëndimi. Pa marrë
       parasysh nëse flitet për dhimbje të vazhdueshme ose për ndonjë
       problem serioz, lëndimi nuk do të thotë se ju i keni dhënë fund
       ushtrimeve. Për këtë arsye, mësojuni që të shëroheni më shpejtë
       dhe t’i ktheheni palestrat për të vazhduar ‘karrierën tuaj të
       fitnesit’.
       Ndezjet
       Nganjëherë ndezjet paraqiten 24 apo 48 orë pas aktivitetit
       fizik. Por mos keni dert, sepse ndezja është shenjë që trupi po
       përshtatet dhe po përparon. Ndezja duhet të kalojë pas disa
       ditësh, prandaj prisni. Çdo ditë tendosuni lehtë, ndërsa nëse
       dhimbja është e madhe, atëherë merrni barna të caktuar kundër
       ndezjes. Nëse dhimbja zgjat më shumë se një javë ose përcillet
       me skuqje, ënjtje ose me kërcitje të nyjave, ndoshta keni pësuar
       një lëndim serioz. Në këtë rast menjëherë kërkoni ndihmën e
       mjekut.
       Lëndimet akute
       Lëndimet e menjëhershme dhe të befasishme shpesh janë pasojë e
       ngarkesës së tepruar të muskujve, nyjave ose tendinëve. Kështu
       vjen deri te përdredhja ose luksacioni. Nëse përdredhja nuk
       mjekohet ajo mund të kalojë në formë kronike. Nëse mendoni se
       keni pësuar një lëndim akut, menjëherë lajmërohuni te mjeku.
       Llojet tjera të lëndimeve
       Lëndimet kronike janë shpesh rezultat ushtrimeve të tepruara.
       Format më të shpeshta kronike janë këto:
       – Kur tibia (asht i këmbës nën gju- fyelli i këmbës) dhe indi
       lidhor që lidh muskujt për këtë asht, janë të ekspozuar
       vazhdimisht presionit të madh, atëherë mund të ndjeni dhimbje të
       mprehtë në tibia, e cila mund të shkaktohet me rritjen e
       menjëhershme të aktivitetit fizik, vrapimit nëpër sipërfaqe jo
       të rrafshët ose kur mbani këpuca të pa përshtatshme.
       – Shpesh paraqitet edhe ndezja e plantar fascie- indi lidhor që
       gjendet përgjatë shputës, nga thembra deri te gishtërinjtë. Më
       së shpeshti paraqitet dhimbje e mprehtë në thembër, pikërisht në
       vendin kur ky ind lidhor lidhet me këmbën. Dhimbja është më e
       fortë në mëngjes, ndërsa kjo gjendje paraqitet si pasojë e
       mbajtjes së këpucëve të papërshtatshme ose si pasojë e
       ushtrimeve të tepërta.
       – Prapashtesa “itis” ka të bëje me ndonjë lloj procesi
       inflamator (ndezje) në muskul, nyje, ligament, tendin ose në
       ndonjë organ të brendshëm. P.sh. tek artritis paraqitet
       inflamacioni i nyjave. Këto gjendje janë kronike dhe paraqiten
       si pasojë e lëndimeve akute të pa mjekuara.
       Nëse ndjeni cilindo nga këto simptoma ndalni menjëherë
       ushtrimet! Kjo ndërprerje duhet të zgjatë së paku 48 orë. Do
       t’iu ndihmojë nëse vendosni akull në vendin e lënduar dhe e
       mbani atë për 20-30 minuta. Vendin e lënduar mund ta lidhni me
       peshqir ose me fashë, të cilët nuk duhet t’i shtrëngoni shumë.
       Kur jeni duke pushuar, provoni ta çoni pjesën e lënduar të
       trupit tuaj mbi nivelin e zemrës. /Telegrafi/
       *****************************************************
       Page 1 of 1